فتح و شکست کے بارے میں قانونِ الٰہی

اللہ تعالیٰ نے قراٰن مجید میں اپنا ضابطہ بیان کیا ہے کہ ان یمسسکم قرح ۔الی۔ ویمحق الکافرین (سورہ آلِ عمران آیت140، 141) ان آیات کی تفسیر میں مفسر قراٰن مفتی اعظم پاکستان مفتی محمد شفیع صاحب ؒ  حکیم الامت حضرت مولانا اشرف علی تھانوی ؒ  کی تفسیر بیان القراٰن سے نقل کرتے ہیں”اگر تم کو زخم (صدمہ) پہنچ جاوےجیسا احد میں ہوا تو کوئی گھبرانے کی بات نہیں کیونکہ اس میں چند حکمتیں ہیں ، ایک تو یہ کہ اس قوم کو بھی جو کہ تمہارے مقابل تھی یعنی کفار ایسے ہی زخم (صدمہ) پہنچ چکا ہے چنانچہ گذشتہ جنگ بدر میں وہ صدمہ اٹھا چکے ہیں اور ہمارا معمول ہے کہ ان ایام کویعنی غالب و مغلوب ہونے کے زمانے کو لوگوں کے درمیان ادلتے بدلتے رہتے ہیں یعنی کبھی ایک قوم کو غالب اور دوسری کو مغلوب کر دیا ،